Egill er Stórbokki 2023

Það var Egill Þorsteinsson sem vann sigur á Stórbokkanum í ár eftir stutta og snarpa heads-up viðureign við Halldór Má Sverrisson sem varð í öðru sæti. Egill hafði fallið úr leik skömmu fyrir hlé og keypti sig aftur inn í matarhléinu og náði jafnt og þétt að byggja upp góðan stakk. Halldór Már fór gríðarlega vel af stað í mótinu og var með gott chip-lead allan daginn og vel inn á lokaborðið en þegar 4 voru eftir fór Egill jafnt og þétt að saxa á forskotið.

Það er óhætt að segja að bæði Egill og Halldór Már séu með þessu búnir að stimpla sig enn betur inn sem okkar fremstu leikmenn, en Egill hefur áður náð Íslandsmeistaratitli í PLO auk þess sem hann varð í öðru sæti á ÍM í póker árið 2019. Halldór már hefur nokkrum sinnum komist á lokaborð á ÍM auk þess sem hann hefur líkt og Egill unnið PLO titilinn, bæði live og online og er nýbakaður Smábokki í ár þar að auki.

Alls tóku 22 þátt í mótinu og voru re-entry 11 talsins þannig að heildarfjöldi skráninga (entries) í mótið voru 33. Heildarinnkoma var 4.620.000 og var heildarkostnaður við mótið 620.000 (13,4%) þannig að verðlaunaféð endaði í sléttum 4 milljónum og skiptist á milli 5 efstu sem hér segir:

  1. Egill Þorsteinsson, 1.400.000
  2. Halldór Már Sverrisson, 1.000.000
  3. Þórarinn Kristjánsson Ólafsson, 720.000
  4. Jón Ingi Þorvaldsson, 520.000
  5. Jakub Jakubowksi, 360.000

Mótið var haldið í salarkynnum Poker Express og kunnum við þeim bestu þakkir fyrir að hýsa mótið. Í matarhléi var það Veislan sem bar fram 3ja rétta máltíð fyrir þátttakendur og starfsfólk og var ekki annað að heyra en að rífandi ánægja hafi verið með matinn.

Einar Þór, ritari PSÍ, stóð vaktina sem mótsstjóri með glæsibrag og Alexander, Dísa og Bjarni Veigar sáu um gjafarastörfin af einstakri fagmennsku. Það var síðan Jón Ingi, gjaldkeri PSÍ, sem bar hitann og þungann af undirbúningi og skipulagi mótsins.

Við þökkum öllum sem komu að Stórbokka þetta árið, starfsfólki, þátttakendum og gestgjöfum fyrir að gera gott mót með okkur og sjáumst sem flest á næsta móti!

Stórbokki er næstur á dagskrá!

Stórbokki hlaut gríðarlega góðar viðtökur þegar mótið var haldið í fyrsta sinn eftir Covid hléið í fyrra, en mótið féll niður árin 2020 og 2021.

Mótið verður með sama sniði og fyrri ár, mótið hefst kl. 13:00 og mun standa eitthvað fram yfir miðnættið.

Þátttökugjald er 150.000 kr. og hægt er að kaupa sig aftur inn í mótið ótakarmarkað fyrir 120.000 kr.

Skráning fer að venju fram hér á vef PSÍ.

Innifalinn í mótsgjaldi er glæsilegur kvöldverður sem verður framreiddur á mótsstaðnum.

  • Forréttur: Sjávarréttadiskur: Reyklaxamósaic, hörpuskel á vagamesalati, humarfroða í staupi, silungatartar og ferskt salat
  • Aðalréttur: Heilsteikt nautalund með kartöflugratíni og grænpiparsósu/bernaise.
  • Eftirréttur: Súkkulaði brownies með hvítri súkkulaði skyrmús og berjum.

Hér má sjá nánari upplýsingar um strúktúr og dagskrá mótsins.

Smellið ykkur endilega inn á facebook eventið sem komið er hér.

Undanmót hefjast á Coolbet á sunnudag og verða alla sunnudaga fram að mótinu, auk þess sem einnig verður undanmót á annan í páskum.

  • Sun 9. apríl kl. 20:00
  • Mán 10. apríl kl. 20:00
  • Sun 16. apríl kl. 20:00
  • Sun 23. apríl kl. 20:00
  • Sun 30. apríl kl. 20:00

Live undanmót verða auglýst síðar.

Halldór Már bætir einum titli í safnið!

Smábokka lauk núna í kvöld með sigri Halldórs Más Sverrissonar en hann hefur áður unnið bæði Íslandsmeistaratitilinn í PLO árið 2018 og í net-PLO árið 2021. Halldór kom inn á dag 2 með fimmfaldan upphafsstakk og sigldi stakknum hægt og bítandi í höfn. Í öðru sæti varð Steingrímur Þorsteinsson og í því þriðja Árni Gunnarsson.

Þátttakendur voru 45 talsins að þessu sinni og keyptu 20 sig inn aftur þannig að alls voru 65 entry í mótið. Kostnaðarhlutfall mótsins var 18,7% en var cappað í 15% þannig að mótið var því lítillega niðurgreitt af PSÍ. Heildarverðlaunafé var 1.650.000 og skiptist það á milli 8 efstu sem hér segir:

  1. Halldór Már Sverrisson, 530.000
  2. Steingrímur Þorsteinsson, 360.000
  3. Árni Gunnarsson, 245.000
  4. Sævar Ingi Sævarsson, 170.000
  5. Branimir Jovanovic, 120.000
  6. Júlíus Símon Pálsson, 90.000
  7. Brynjar Bjarkason, 75.000
  8. Sasa Drca, 60.000

Mótsstjóri voru Daníel Jóhannesson og sá ritari PSÍ, Jón Ingi Þorvaldsson um skipulagningu mótsins. Í störfum gjafara voru þau Dísa, Kristján Bragi, Þórunn Lilja, Alexander og Fanney Hlín. Við þökkum þeim öllum kærlega fyrir vel unnin störf.

Við þökkum Hugaríþróttafélaginu kærlega fyrir samstarfið og fyrir að veita okkur aðgang að aðstöðu félagsins. Einnig þökkum við Coolbet fyrir að halda fyrir okkur undanmót eins og þeim einum er lagið.

Að lokum óskum við Halldóri til hamingju með glæsilegan árangur og hlökkum til að sjá félagsmenn á næsta móti, en Stórbokki er næstur á dagskrá í byrjun maí!

MrDude er óstöðvandi

Einar Þór Einarsson (MrDude), ritari stjórnar PSÍ, er á óstöðvandi sigurgöngu þessa dagana. Hann vann nýverið Íslandsmeistaratitilinn í net-PLO og gerði sér lítið fyrir og vann einnig sigur í Coolbet bikarnum sem lauk í gærkvöldi. Hann hlýtur að launum €1600 pakka frá Coolbet á pókerhátíðina Poker North Masters sem fram fer í Bratislava í lok mars.

Í öðru sæti var Rúnar Rúnarsson (rudnar) og fær hann einnig sama pakka og Einar að launum. Í þriðja og fjórða sæti urðu Brynjar Bjarkason (makk) og Piotr Wojciechowski (Peturpolski) og fá þeir báðir €800 pakka á pókerhátíðina í Bratislava en það dekkar miða á aðalmót hátíðarinnar.

Aðrir sem komust á lokaborðið voru vedurgudinn, DFRNT, atli951, WhiskyMaster og OtherFkr og fá þeir allir Coolbet Passport miða að launum að jafnvirði €130 inn í undanmót fyrir Bratislava hátíðina.

Alls tóku 55 manns þátt í mótaröðinni að þessu sinni og er það besta þátttaka frá upphafi en þetta var í fjórða sinn sem við keyrum þessa mótaröð í samstarfi við Coolbet.

Við óskum Einari til hamingju með glæsilegan árangur og öðrum verðlaunahöfum sömuleiðis. Við þökkum félagsmönnum fyrir frábærar viðtökur og Coolbet fyrir frábært samstarf við framkvæmd mótaraðarinnar.

Við hvetjum félagsmenn til að kynna sér pókerhátíðina Poker North Masters og skella sér í þessa FB grúppu hér ef þið ætlið að slást í för með þeim hópi Íslendinga sem ætlar að leggja land undir fót og skella sér út.

Lokastöðuna í stigakeppni Coolbet bikarsins má finna hér.

Frá ársþingi PSÍ 2023

Það var fámennt en einstaklega góðmennt á ársþingi PSÍ sem fram fór 5.febrúar 2023. Fundurinn var haldinn í netheimum að þessu sinni og mættu fjórir til fundar.

Það bar helst til tíðinda að nánast ekkert bar til tíðinda. Stjórn var endurkjörin og fastanefndir að mestu óbreyttar. Og þrátt fyrir að verðbólga sé í hæstu hæðum var ákveðið að halda árgjaldi óbreyttu, eða kr. 6000.

Stjórn PSÍ skipa:

  • Már Wardum, formaður
  • Jón Ingi Þorvaldsson, gjaldkeri
  • Einar Þór Einarsson, ritari
  • Jónas Tryggvi Stefánsson, varamaður
  • Guðmundur Helgi Helgason, varamaður

Laga og leikreglnanefnd skipa:

  • Einar Þór Einarsson
  • Jónas Tryggvi Stefánsson
  • Jón Ingi Þorvaldsson

Einar Þór Einarsson veitir mótanefnd PSÍ forstöðu og verða aðrir skipaðir í nefndina við fyrsta tækifæri.

Skoðunarmaður reikninga er Ottó Marwin Gunnarsson.

Ársskýrslu PSÍ fyrir 2022 má nálgast hér.

Og þeir sem eru sérlega áhugasamir geta nálgast upptöku af fundinum hér.

MrDude vinnur ÍM í net-PLO 2022

Það var Einar Þór Einarsson (MrDude), ritari stjórnar PSÍ, sem stóð uppi sem sigurvegari á Íslandsmótinu í net-PLO sem fram fór í kvöld á Coolbet. Í öðru sæti var Gunnar Árnason (OtherFkr) og Kristján Bragi Valsson (kiddi333) í því þriðja. Alls tóku 24 þátt í mótinu og voru 20 re-entry í mótið en leyfð voru tvö slík á mann. Þátttökugjald var €75 og endaði verðlaunapotturinn í €3080 sem skiptist á milli 7 efstu á eftirfarandi hátt:

  1. Mr.Dude- €1078
  2. OtherFkr – €693
  3. kiddi333 – €462
  4. GolliPolli – €308
  5. Deingsi – €231
  6. Silfurrefur – €169
  7. Thorvaldz – €139

Þetta er fyrsta meistaramótið sem Einar vinnur á vegum PSÍ en hann hefur oft náð góðum árangri á mótum hér á landi, komst m.a. á lokaborð Íslandsmótsins 2021 og var valinn í fyrsta landslið sem sett var saman í fyrra í keppnis-póker (match poker) og keppti með liðinu í Makedóníu sl. vor.

Við óskum Einari til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

SindriKriss vinnur ÍM í net-póker 2022

Það var Sindri Þór Kristjánsson (SindriKriss) sem stóð uppi sem sigurvegari á Íslandsmótinu í net-póker sem fram fór í kvöld á Coolbet. Í öðru sæti var Finnur Sveinbjörsson og Sævar Ingi Sævarsson í því þriðja. Alls tóku 34 þátt í mótinu en það er aðeins færra en í fyrra og líklega hefur HM í knattspyrnu haft eitthvað með það að gera. Þátttökugjald var €150 og endaði verðlaunapotturinn í €4760 sem skiptist á milli 6 efstu á eftirfarandi hátt:

  1. SindriKriss – €1761
  2. Gautipoker – €1190
  3. SINGIS – €714
  4. Kiddi333 – €476
  5. PhilMcIvey – €357
  6. OtherFkr – 262

Sindri hefur verið að gera það gott í net-mótum á Coolbet að undanförnu en hefur lítið spilað live síðustu ár. Við óskum Sindra til hamingju með glæsilegan árangur og þökkum félagsmönnum fyrir þátttökuna og þökkum Coolbet fyrir frábært samstarf við framkvæmd mótsins.

Íslandsmótið í net-póker 2022

Íslandsmótið í net-póker hefst kl. 18:00 sunnudaginn 27.nóvember og verður haldið á Coolbet! Þátttökugjald er €150.

Haldin verða undanmót á Coolbet sunnudaga og fimmtudaga fram að mótinu kl. 20:00 og alla virka daga í vikunni fyrir mótið verða FREEbuy undanmót kl.20:00.

Einnig verður haldið í ÍM í net-PLO og fer það fram viku síðar, sunnudaginn 4.des. kl. 18:00. Þátttökugjald er €75 og boðið er upp á tvö re-entry.

Undanmót fyrir ÍM í net-PLO verða alla virka daga í vikunni fyrir mótið kl. 20:00.

ATH. að aðild að PSÍ er skilyrði fyrir þátttöku. Til að tryggja þátttökurétt þarf að ganga frá aðild í síðasta lagi kl. 14:00 á hádegi á keppnisdegi. Þegar gengið er frá aðild að PSÍ þarf að passa að Coolbet poker ID komi fram í skráningu.

Eins og venjulega er gengið frá aðild að PSÍ á www.pokersamband.is/shop

Atli Rúnar er Íslandsmeistari 2022

Íslandsmótinu í póker 2022 lauk kl. 20:40 í kvöld með sigri Atla Rúnars Þorsteinssonar. Í öðru sæti varð Hjalti Már Þórisson og í því þriðja varð Róbert Gíslason, sem nýverið vann sigur á Íslandsmótinu í PLO.

Alls tóku 89 þátt í mótinu að þessu sinni og af þeim komust 38 á dag 2. Heildarverðlaunafé var 5.900.000 og skiptist á milli 13 efstu og sá sem lenti í búbblsætinu fær frían miða á ÍM 2023 eins og hefð hefur skapast fyrir. Kostnaðarhlutfall var 17,1%.

SætiNafnVerðlaunafé
1Atli Rúnar Þorsteinsson1.400.000
2Hjalti Már Þórisson1.000.000
3Róbert Gíslason780.000
4Andri Már Ágústsson620.000
5Jesper Sand Poulsen490.000
6Daníel Guðni Guðmundsson380.000
7Kristinn Pétursson290.000
8Kalle Gertsson220.000
9Árni Guðbjörnsson180.000
10Hafsteinn Ingimundarson150.000
11-12Finnur Sveinbjörnsson135.000
11-12Friðrik Falkner135.000
13Þröstur Ólafsson120.000
14Sigurjón KevinssonMiði á ÍM 2023

Mótið fór fram í nýjum og glæsilegum sal Hugaríþróttafélagsins að Mörkinni 4. Aðstaða þar til mótsins var eins best verður á kosið og kunnum við Hugaríþróttafélaginu bestu þakkir fyrir að láta okkur aðstöðuna í té. Einnig fá Hugaríþróttafélagið og Coolbet miklar þakkir fyrir að keyra fyrir okkur undanmót reglulega frá því í september en það skiptir sköpum fyrir þátttöku í þessu móti að boðið sé upp á góðan fjölda undanmóta.

Haldin voru tvö hliðarmót, 15k re-entry mót á laugardeginum og 20k re-entry mót á sunnudeginum. Verðlaunafé í 15k mótinu endaði í 980.000 og var það Matte Bjarni Karjalainen sem vann sigur þar. Á Sunnudeginum var það síðan Karolis Jankauskas sem vann sigur í 20k mótinu.

Mótsstjóri og aðalskipuleggjandi mótsins var Jón Ingi Þorvaldsson, ritari PSÍ og honum til halds og trausts var Daníel Jóhannesson sem gegndi hlutverki ritara og meðdómara á mótinu. Störf gjafara voru í traustum höndum Alexanders, Sillu, Dísu, Bryndísar, Berglaugar, Ingu Kristínar, Þorra Birgis, Ástu Maríu og Bjarna Veigars.

Magnús Valur sá um beina textalýsingu frá lokaborðinu af sinni alkunnu snilld og þá ágætu heimild um mótið má finna með því að smella hér.

Þótt stærsti viðburður ársins hjá okkur sé að baki er mótaárinu ekki alveg lokið. Íslandsmótin í net-póker verða haldin í lok nóvember og byrjun desember skv. áætlun í samstarfi við Coolbet og einnig erum við að gera það að árlegum viðburði að halda sérstakt mót fyrir gjafarahópinn okkar þar sem við krýnum “gjafarameistarann 2022”.

Að lokum óskum við Íslandsmeistaranum til hamingju með titilinn og öllum verðlaunahöfum til hamingju með glæsilegan árangur. Við þökkum öllum félagsmönnum fyrir þátttökuna og sjáumst vonandi sem flest á næsta móti!

Lokaborð á ÍM í póker 2022

Þá liggur fyrir hverjir spila lokaborðið á Íslandsmótinu í póker 2022. Staða 9 efstu og sætaskipan á lokaborðinu er eftirfarandi:

NafnChip countSæti á lokaborði
Hjalti Már Þórisson746.0006
Kristinn Pétursson597.0004
Andri Már Ágústsson533.0002
Atli Rúnar Þorsteinsson470.0007
Jesper Sand Poulsen451.5001
Róbert Gíslason357.0009
Árni Guðbjörnsson192.5008
Kalle Gertsson123.5003
Daníel Guðni Guðmundsson96.0005

Heildarverðlaunafé á mótinu er 5.900.000 og skiptist á milli 13 efstu sem hér segir:

  1. 1.400.000
  2. 1.000.000
  3. 780.000
  4. 620.000
  5. 490.000
  6. 380.000
  7. 290.000
  8. 220.000
  9. 180.000
  10. 150.000
  11. 150.000
  12. 120.000
  13. 120.000

Lokaborðið hefst kl. 13:00 á morgun, sunnudaginn 6. nóvember og verður bein textalýsing í boði Magnúsar Vals Böðvarssonar á þessari síðu hér.