Ferðasaga
Tveir meðlimir Pókersambandsins, Eirný og Viktor, fóru á ráðstefnu á vegum International Federation of Poker í nóvember síðastliðnum.
Ráðstefnan var haldin í London og á sama tíma fóru fram tvö áhugaverð pókermót á vegum IFP. Það var annars vegar “The Nations Cup” sem var duplicate póker mót þar sem landslið tólf þjóða áttust við og “The Table” þar sem mörgum af sterkustu spilurum heims var boðið að taka þátt og fór Hrannar Hallgrímsson fyrir Íslands hönd á það mót. Tilgangur IFP með þessum viðburðum var að vekja athygli á póker sem hugaríþrótt. Á vef IFP má sjá úrslitin úr báðum þessum áhugaverðu mótum eða með því að smella hér.
Hrannar Hallgrímsson
Á meðal spilara í “The Table” mótinu voru Gus Hansen, Tony G, Sam Trickett, Antonia Esfandiari, David Benyamine, Barry Greenstein, Vannessa Selbst og FP Kelly svo einhverjir séu nefndir. Hrannar lenti á borði Andy Black sem endaði svo á að taka Hrannar út með AQ á móti JJ hjá Hrannari.
Viktor Einarsson ritaði nokkur orð um ferðina:
Ég (ViktorAK) og Eirný formaður Pókersambands Íslands fórum til London fyrir hönd PSÍ 16.nóvember. Flug og gisting var greitt af International Federation of Poker (IFP).
17.nóvember mætum við á ráðstefnuna með stjórnendum allra pókersambanda heimsins. Ég ætla að reyna að gera helstu umræðuefnunum skil hér að neðan.
Það sem stóð hæst af þessari ráðstefnuna var stefnan sem IFP vill taka með póker. Stefnan fjallar um það að póker verður í framtíðinni spilaður upp á stig en ekki peninga og væru leaderboards þar sem efstu spilararnir myndu fá greidda peninga með styrkjum frá styrktaraðilum en ekki mótspilurum, ekki ósvipað gólfi, þar fá reyndar allir peninga.
Þessi stefna er tekin sökum “Zynga poker”, en það er Facebook póker þar sem
póker er spilaður upp á stig en ekki peninga. Það voru nokkrir meðlimir Zynga á staðnum og voru þeir heitasta umræðuefni fjölmiðla og stjórnenda IFP. IFP gat varla gubbað úr sér einni setningu án þess að Zynga komst þar fyrir. Zynga póker inniheldur u.þ.b. 3 milljónir manna sem spila póker daglega, upp á stig.
Viktor og Teddy Sheringham
Annað mjög forvitnilegt umræðuefni var að pókersambönd allra landa ætti að vera æðsta veldi pókers í því landi. Það þýðir að vilji klúbbur vera starfandi þarf hann leyfi frá sínu pókersambandi og ef einstaklingar eða fyrirtæki, eins og PokerStars, vilja halda pókermót í landinu þarf það að vera í gegnum pókersamband landsins.
Formaður Brasilíska pókersambandsins fór fremstur í flokki með þessa stefnu. Hann fór upp í púlt og fjallaði hann um það hvernig hann náði að lögleiða póker í sínu landi og koma þessu hugtaki “Pókersambandið er æðsta veldið” á.
Hann fékk nokkra háskóla og prófessora til að sanna fyrir sig að póker væri leikur hæfileika en ekki heppni. Skv. lögunum sem ríkja í Brasilíu má ekki spila fjárhættuspil sem eru mestmegnis upp á heppni.
Þegar hann hafði sannað fyrir dómstólum að póker væri hæfnisleikur fékk hann leyfi til að hafa opna pókerstaði og pókersíður í landinu undir þeim formerkjum að pókersambandið myndi alfarið sjá um allt í kringum leikinn.
Kannski ágætt að segja frá því að áður en hann náði að “lögleiða” póker í Brasilíu var hann með 3 pókersíður starfrækar og nokkra pókerklúbba, þessu kom hann á framfæri mjög varfærnislega, þannig að það má deila um hvort hann hafi verið að passa upp á sína eigin hagsmuni eða hagsmuni pókerspilara í landinu en við látum það liggja milli hluta.
Viktor og Barry Greenstein
Í þokkabót fer hann með allt valdið í Brasilíu þegar kemur að því að leyfa pókersíður og pókerklúbba þar sem hann er formaður pókersambandsins þannig að hann nær nokkurn veginn að passa upp á sitt einsdæmi að hann fái ekki mikla samkeppni.
Næst á eftir Brasilíu manninum steig mjög áhugaverður maður í púltið, Charles Nesson, prófessor í háskólanum í Harvard sem notar póker sem leið til að kenna nemendum sínum ýmsar leiðir í stærðfræði og hagfræði. Mjög merkur maður.
YouTube: Using Poker To Develop Skills for Business, Politics and Life
Það er kannski ekki þess virði að fara að þylja upp hans ræðu þar sem hún snerti ekki beint okkar málefni heldur var hann að útskýra með sinni Harvard rödd hvernig póker hjálpar honum að kenna nemendum sínum í gegnum póker.
Þegar Nesson hafði lokið sér af fór formaður IFP, Anthony Holden aftur í ræðupúltið og sagði aðeins frá mótinu “The Table” og “Duplicate Poker”, eftir þetta voru formenn pókersambandanna boðið í bjór og veislu á meðan spilarar “Duplicate Poker” fóru inn í salinn og var þeim kynnt hvernig mótið yrði spilað.
Dagur 1 í Duplicate mótinu var svo startað á eins glæsilegan máta og hægt er að ímynda sér. Pókerborðum var raðað upp í nokkur hólf í “London Eye” og svo fengu aðstaðtendur pókersambandanna, þar á meðal við, að fara í lausu hólfin þar sem boðið var upp á kampavín. Varla hægt að ímynda sér betri leið til að klára góðan dag. Eftir stuttan dag 1 fyrir spilara í Duplicate mótinu var öllum boðið í drykki og veitingar.
YouTube: IFP Duplicate Poker Nations Cup 2011
